N G Gemeente Deneysville - Week van gebed

Prediker: Ds Carlie Schiel 

Geseën

Genesis 12: 1 - 3

Wacked Simpson speel op 94.7 'n boodskap van 'n seuntie aan sy pa. Dis die outjie se eerste skooldag en hy sê “ Dad don't worry. I'll be okay. I'll make you proud.”

As Jesus Sy aardse bediening begin dan doen God dinge anders om.

Jesus is gedoop en dan kom die stem uit die hemel wat sê: jy is my geliefde Seun. Oor Hom verheug Ek my.”

God seen Jesus. Hy bevestig wat Hy in die toekoms vir Jesus sien: dat Hy 'n Kind so na God se hart is en sal wees. Hy bevestig iets van Jesus. (Engels: to affirm)

In Latyn is die woord vir geseen “benedicere”. Letterlik vertaal beteken dit “praat” (dictio) “goed” (bene) ... om goed / positief van iemand te praat.

Volgens Henri Nouens is om te seen om vir iemand iets te gee wat waar in hulle gaan word. Om oa iets van hul menswees te bevestig. Iets soos 'n selfvervullende profesie.

Ek wou eers sê dat seen vreemd is aan die protestantse en gereformeerde tradisie. Maar dit is nie. Ons ontvang die seen aan die einde van die diens. 'n Nuwe dominie / proponent word met handoplegging ingeseen.

Soms dink ek ons kan meer keer mense die hand oplê en hulle seen. En ons kan meer kere 'n seen vir mense wees deur goed van hulle te praat.

Vanaand gaan oor om 'n seën vir ander te wees.

1.    Gaan wees 'n seen vir die nasies / in jou nageslag sal die volke geseen wees.

2.    Isak wat sy kinders seen. (Gen 27) Jakob (Gen 48)

3.    Seen laat my besef dat hoe ek leef ... dit wat ek uitstraal moet so positief wees en opbouend dat mense ons kan beleef as 'n seen. Ek dink die begrippe soos ek dit die week gebruik het  van “geseen” en “gegee” vloei soms in mekaar in.

Net eers dit: Ek dink nie Abraham en Sarah, Isak en al die ander Aartsvaders sou hulle lang en dikwels pynlike reis met God kon voltooi het as hulle nie die besef gehad het: ons is geseend.

Elkeen van ons het nodig om by herhaling net weer te kan hoor “God het my lief. God sien my raak. God weet wat in my lewe aangaan en gee om. En meer spesifiek: Ek is geseend.

Dit maak die erediens vir my so belangrik. En die uitspreek en ontvang van God se seen so kosbaar.

Dink net: Sondige mens wat ek is ... ek het genade ontvang EN boonop het God my geseen.

Wat meer kan ek vra.

Wat kan ek as geseende doen? Ek kan tot seen wees vir ander. Ek kan hulle so bystaan en 'n pad met hulle stap dat hulle een dag besef maar God het hulle lewens verryk deur ons. Ons was deel van Sy seen aan hulle.

As God se pad met Abram begin dan kom die woordjie seen taamlik prominent voor in die openings gesprek.

Abram het so pas gehoor hy moet sy goed pak en trek na 'n plek wat God nog vir hom sal aanwys.

Dan sê God: Ek sal jou seen ... en 'n man van groot betekenis maak EN ... jy moet tot 'n seen wees.

So 'n paar sinne verder “in jou sal al die volke van die aarde geseen wees.”

Stem u saam as ek sê: Van die begin af was God se mense bedoel om 'n seen vir die mense om hulle te wees?

En ons kan dit wees omdat God ons eerste geseen het. Jy is bloot tot seen van ander vanuit God se seen aan jou.

En watter groter seening is daar as dat die Heilige Gees met Sy groot mag en krag in jou bly.

Jy kan tot seen wees.

Dis hartseer dat ons dikwels eerder 'n vervloeking is ... kyk al die wrakke wat ons agter laat in ons daaglikse wandel. “We dont take hostages!!” Ons is agressief ... kyk maar na die  padwoede en uitbarstings.

Blameer die spanningsvlakke in die land daarvoor. Dis so! Maar as ons fokus op God wat ons seen en begin raaksien hoe ryklik ons geseend is ... dink u nie dit sal dan makliker wees om vir ander 'n seening te wees?

Kwela: Hoe kan ons sout vir die aarde wees as ons ander gedurig peper oor hulle foute.

Die Ou Testament is vol van dele waar 'n pa sy kinders geseen het. Dan spreek hy hierdie wens oor hulle lewens uit. Dis gesien as bindend en krag draend. Dit gee rigting aan die kind se lewe.

Ek wonder of ons nie dalk weer ons kinders so moet seen met positiewe woorde nie. Dan sal daar nerens kinders wees wat smag om te hoor my pa is vir my lief of is trots op my.

Miskien moet ons meer kere die gebed van St Francis van Assissie bid:

 “Laat Heer, U vrede deur my vloei ...” (Lied 284)

waar haat is,

laat ek daar u liefde bring

Laat ek in pyn en smart

vertroostend wees

en krag gee deur geloof in U, o Heer.

O Heer, help my om altyd so te leef -

om ander hoër as myself te ag.

Ja, om lief te hê  - ander bo myself -

en ook eerder te gee as te verwag.

2. Laat, Heer, u vrede deur my vloei -

en laat ek hoop gee waar daar twyfel is.

k wil u lig in duisternis laat skyn.

Laat ware vreugde altyd uit my straal.

3. Laat, Heer, u vrede deur my vloei -

leer my om ook soos U te kan vergeef.

Maak my bereid om aan myself te sterf,

dat ander U al meer in my kan sien.